Бүген шагыйрь, журналист һәм публицист Рәфикъ Юныс (Рәфикъ Юныс улы Юнысов) туган көне. Шагыйрьне искә алу уңаеннан тәрбия сәгате үткәрелде. Дәрестә шагыйрьнең тормыш юлы һәм иҗаты турында мәгълүматлар бирелде. Рәфыйкъ Юныс 1943 елның 1 мартында Татарстан республикасының Арча районы Кәче авылында крестьян гаиләсендә дөньяга килә. Кәчедә – җиде сыйныф, Арчада урта мәктәпне тәмамлагач, ике елга якын туган авылы колхозында төрле эшләрдә эшли, биш ай чамасы Казанда төзелештә була. 1962–1965 елларда ул армиядә – стратегик ракета гаскәрләре составында хезмәт итә.
Армия сафларыннан кайткач, шагыйрь Казан дәүләт университетының журналистика бүлегенә укырга керә. Студент елларында университеттагы «Әллүки» әдәби берләшмәсенә һәм «Татарстан яшьләре» газетасы каршындагы әдәби түгәрәккә йөри. Университетның соңгы курсында укыганда, «Татарстан яшьләре» газетасы редакциясенә эшкә урнаша. Анда 1985 елга кадәр эшли. 1985–1991 елларда Рәфикъ Юныс Татарстан китап нәшриятында редактор, редакция мөдире, нәшриятның баш редактор урынбасары вазифаларын башкара. 1992–2004 еллар арасында ул – «Идел» журналы баш мөхәрриренең беренче урынбасары хезмәтендә. 2005 елның башыннан алып Рәфикъ Юныс «Казан утлары» журналы редакциясендә, шул елның сентябреннән – баш мөхәррир урынбасары булып эшли.
Беренче шигырьләре матбугатта уналты-унҗиде яшьләрендә үк күренгәләсә дә, шагыйрь әдәби иҗат эше белән утыз яше тулганнан соң гына җитди шөгыльләнә башлый. Беренче шигъри җыентыгы («Вакыт чылбыры») 1982 елда басылып чыга. Шуннан соң тагын берничә шигъри китабы дөнья күрә («Җирдә яшим», «Учтагы песнәк», «Сүнгән яшен», «Син һәм мин»). Шигърияттә ул – эзләнүчән, фикер һәм хис бирелешендә үзенчә индивидуальлеккә, каршылыклы интеллектуаль кичерешләренең тыгызлыгына омтылучан шагыйрь. Аның шигырьләрендәге лирик герой, тормышта һәм үз-үзендә гаделлек, хаклык, камиллек тоеп яшәргә тырыша.
Рәфикъ Юнысның «Татарстан референдумы» дигән китабы җәмәгатьчелектә киң яңгыраш таба. Китапны узган гасырның туксанынчы елларында татар халкының мөстәкыйльлек өчен алып барган көрәшенең документаль елъязмасы дияргә була.
Рәфикъ Юнысның журналист буларак милләт, сәясәт, татар тарихы темаларына күп кенә танылган шәхесләр белән тәфсилле әңгәмәләре дә кызыклы һәм бай эчтәлекле. Аңа шулай ук юмор-сатира жанры да ят түгел.
Ул – Татарстанның атказанган мәдәният хезмәткәре, Татарстан Язучылар берлегенең Гаяз Исхакый исемендәге әдәби бүләк иясе (2004).
Рәфикъ Юныс – 1986 елдан СССР (Татарстан) Язучылар берлеге әгъзасы.
2021 елның 19 гыйнварында Казанда вафат булды. Рәфикъ Юныс туган ягында – Арча районы Кәче авылында җирләнә.

Бүген "Мөһим мәсьәләләр турында сөйләшү" циклының чираттагы дәресе узды. Дәрес "Традицион гаилә кыйммәтләре" дип аталды.

Всероссийская акция 'Широкая Масленица".
Номинация "Масленичная песня"
Учащиеся 4 класса исполняют песню "Масленица"

                   22 нче февральдә Наласа мәктәбендә “Игенче” агрофирмасы генераль директоры Хатибуллина Нәсимә Гариповна призына көрәш ярышлары үткәрелде. Барлыгы районыбыз мәктәпләреннән 2009-11 нче, 2012-14нче, 2015 нче елгы яшүсмерләр арасыннан 95 яшь көрәшче бил алышты. «Игенче» агрофирмасы һәр көрәшчегә бәйрәм уңаеннан бүләкләр тапшырды. Мәктәбебез укучылары зур җиңүләргә ирештеләр. Чын күңелдән котлыйбыз. Барлык ир-егетләрне, әтиләрне, бабайларны 23 февраль - Ватанны саклаучылар көне белән котлап,сәламәтлек, рухи көч, гаилә бәхете, шатлык-куанычлар һәм ил-көннәребезнең тыныч, имин, күгебезнең аяз булуын теләп калабыз!".

Уважаемые мужчины! Поздравляем с Днём защитника Отечества! От всего сердца желаем Вам тепла, улыбок и замечательного настроения! Пусть здоровье будет крепким, а сила неиссякаемой. Пусть в сердце всегда горит огонь любви к близким, родной земле, друзьям, пусть оно будет полно мужества, веры и мудрости. С праздником!

22 нче февраль көнне мәктәбебезнең 9 нчы класс укучылары Арча районының армрестлинг буенча ярышларда катнашып зур җиңүләргә ирештеләр. Валиахметов Дияз 3 нче урын, Муртазин Ильяр 2 урынны яуладылар. Котлыйбыз! Киләчәктә дә уңышлар теләп калабыз.

Бөек татар шагыйре-герой Муса Җәлил иҗатына багышланган балалар арасында беренче " Кызыл ромашка"  республика конкурсында мәктәбебезнең 6 нчы класс укучысы Гарифуллина Рамилә 2 нче дәрәҗә дипломга лаек булды.

Бөек татар шагыйре-герой Муса Җәлил иҗатына багышланган балалар арасында беренче " Кызыл ромашка"  республика конкурсында мәктәбебезнең 1 нче класс укучысы Шакирҗанов Аяз 3  нче дәрәҗә дипломга лаек булды.

Ватанны саклаучылар көне уңаеннан мәктәбебездә "Егетләрме, кызоармы?" дип исемләнгән чара үтте. Егетләрнең "Ялкын" һәм кызларның "Ук" командалары турникта тартылу, скакалкада сикерү, дартс, идәннән этелү, урынннан озынлыкка сикерү төрләре буенча ярыштылар, хәрби әзерлек күнекмәләрен күрсәттеләр, викторина сорауларына җавап бирделәр. Кичәбезнең кунагы - Чечня сугышында хәрби бурычын үтәп кайткан, янгын вакытында бала гомерен коткарып калган Кәче авылы герое - Закиров Илгизәр Илсур улы булды.