28 нче апрельдә Арчаның 5нче гимназиясе базасында "Куркынычсыз тәгәрмәч-2023"республика бәйгесенең район этабы узды.Әлеге бәйгене Арча районы буенча «БДД» ДБУ профилактика бүлеге башлыгы Э.Г. Мөхәммәтҗанова ачып җибәрде, командаларга уңышлар теләде. Район мәгариф бүлегенең тәрбия эшләре буенча начальник урынбасары Л. Р. Галимова укучыларны бәйрәм белән котлады, ЮИД ның 55 еллыгы белән бәйле чараларда катнашуларын хуплады, уңышлар теләде. Районнан барысы 33 команда катнашты. Һәр команда зур тырышлык белән әзерләнгән.Гимназиянең "Перспективалы балалар" отрядының яшь ЮИД чылары - Әхмәтҗанова Эльвина, Хәмидуллин Ислам, Йосыпова Ралина, Ибраһимов Солтан командалар арасында көч сынаштылар. Алар юл хәрәкәте кагыйдәләре буенча белемнәрен һәм осталыкларын, тормыш иминлеге нигезләрен һәм медицина нигезләрен белүләрен, велосипедта фигуралы йөрүләрен һәм "Автошәһәрчек" станциясендә "шәһәр" буйлап йөрүләрен күрсәттеләр, вакытлыча юл хәрәкәте кагыйдәләрен үтәделәр.Балалар "Агитбригаданы яклау" бәйгесендә чыгыш ясадылар. Чыгыш нәтиҗәләре буенча команда район күләмендә 2 нче урынга лаек булды. Укучыларга истәлекле бүләкләр, грамоталар тапшырылды. Котлыйбыз!