14 нче апрельдә Г.Тукай исемендәге Яңа Кырлай урта гомуми белем мәктәбендә XII Республикакүләм Тукай укулары узды. Республиканың төрле районнарыннан җыелган укучылар 8 юнәлешкә бүленеп, үзләренең фәнни- эзләнү эшләрен якладылар. Укучыларның эшләрен язучылар, шагыйрьләр, фән эшлеклеләре бәяләде.

          Укуларда гимназиянең 8 нче сыйныф укучысы Хәбибуллина Азалия, 9  нчы сыйныф укучылары Ахунова Алия, Бахрова Самира, Низамиева Сиринә  катнашты. “Г.Тукай – жуналист” темасы буенча Ахунова Алия –  лауреат, “Арча хәбәрләре” газетасының үткәне һәм бүгенгесе” эше буенча Бахрова Самира – лауреат, “Казан утлары” журналы тарихы” темасы буенча Низамиева Сиринә 1 нче урынга лаек булдылар.  Укучыларыбызны чын күңелдән котлыйбыз, киләчәктә дә зур уңышлар, яңа җиңүләр телибез.