22 нче март көнне гимназия укучылары шау-гөр килеп «Хуш киләсең, Нәүрүз!» исемле бәйрәм кичәсен башлап җибәрде.
Рухи кыйммәтләрне саклау, ныгыту, милли гореф-гадәтләрне торгызу мөһимлеген игътибарга алып, төрки халыкларның борынгыдан килгән милли бәйрәмнәренең берсе-Яңа елга багышланган бәйрәмебез иртән башланып китте.
 Нәүрүз билгеле бер тәртиптә язгы көн белән төн тигезлеге көненә туры килүенә бәйле үткәрелә. 
Бәйрәмнең төп йолалары матур итеп киенеп, Яңа ел теләкләре әйтеп, бергәләшеп өйдән өйгә йөрүгә кайтып кала. Анда күбесенчә балалар катнаша, еш кына өлкәннәр дә кушылып китә. Өй хуҗалары аларга пешкән күмәчләр, крендельләр һәм башка тәм-томнар бирәләр.
Өйдән-өйгә йөрү таң белән башлана, ә көндез гаилә белән җигүле атларга утырып йөрүләр оештырыла. Атлар, ат дирбиясе һәм олаулар мөмкин кадәр купшы итеп бизәлә, һәркем үзенең мал-мөлкәтен, җитеш тормышын күрсәтергә омтыла.
Әлеге бәйрәм көне укучыларның изге теләкләре белән, шигырьләре, такмаклары, җырлы-биюле уеннары белән үрелеп барды. Һәр класска кереп матур күренеш күрсәтелде.Яз кызы- Нәүрүзбикәне каршы алырга һәркем әзер иде. Илләребезгә тынычлык, җаныбызга саулык-сәламәтлек, ил-көннәребезгә иминлек насыйп булсын. Төкле аягың белән Нәүрүз!