2нче А сыйныфы укучылары сыйныф җитәкчесе Ибрагимова Э. М. белән сәяхәтне Арча районы музейларыннан башладылар.Гадәттә, музейларны кешелек тарихының бәяләп бетергесез кыйммәтле ярдкәрьләре тупланган серле сандык белән чагыштыралар. Бәлки, монда билгеле дәрәҗәдә хаклык та бардыр. Чөнки безнең әби-бабаларыбыз да үз нәселләре өчен истәлекле, кадерле, борынгы әйберләрен сандыкта саклаган. Аны һәр буын үзенчә яңартып, тулыландырып торган. Әби-бабайлар, еллар үткәч, әлеге сандыкны ачып, оныкларына бик үзенчәлекле тәрбия дәресләре үткәргән, сандыктагы әйберләрне җанлы образ буларак сурәтләгән, тарихлары белән таныштырган. Музей җитәкчеләре тарафыннан үткәрелгән сәяхәт укучыларда зур кызыксыну уяттылар, әби-бабайларыбыз мирасына сакчыл караш, ныклы игътибар, милли мәдәниятебезне, гореф-гадәтләребезне саклау бурычын куйдылар. Эчтәлекле тарихи мәгълүматлар өчен зур рәхмәт!