Татарстанда милли мәдәниятләр, гореф-гадәтләр елы уңаеннан, «Пушкин картасы» программасы кысаларында, 8 нче сыйныф укучыларына «Татар милли бизәкләрендә ләлә чәчәге» исемле чара оештырылды. Укучыларга татар милли бизәкләренең үзенчәлеге турында күп мәгълүмат җиткерелде, милли бизәкле заманча брелок ясатылды. Һәрбер укучы мастер-класста чын күңелдән катнаштылар, экранда бирелгән рәсемнәрне зур кызыксыну белән карадылар, сорауларга җаваплар бирелде, борынгы әби-бабаларыбыз мирасын югалтмыйча саклау, аларга игътибарны арттыру кирәклеге әйтелде.  Музей хезмәткәрләре Хаҗиева Гөлүсә , Тахавиева Альбина, Әхмәтгалимова Регина мастер-классны эчтәлекле итеп оештырдылар, күн эшләмәсеннән ясалган төрле зурлыктагы ләлә чәчәге шатлык символына әверелде.