Гимназиянең актлар залында  «Татарстан Республикасының хатын-кыз исемнәре:тарих һәм хәзерге заман» проекты кысаларында  әйдәп баручы укытучы , хезмәт ветераны, Арча районының мактаулы гражданины Камалетдинова Сания Сибгатулловна  белән очрашу үткәрелде.Әлеге чарада 3 нче А сыйныфы укучылары әдәби-музыкаль композиция күрсәттеләр, чыгышларында хатын-кызларның тырыш хезмәтен, батырлыгын, горурлыгын  чагылдырган шигырьләр сөйләделәр, җырлар җырладылар.Сания  ханым үзенең чыгышында укучыларны үзенең тормыш юлы, хезмәт юлы белән таныштырды,  мәңге хәтердән уелмый торган истәлекләре белән уртаклашты. Укучыларга үзенең бала чагы турында сөйләде, балаларга  үгет-нәсихәтләрен, киңәшләрен җиткерде. Укучылар кызыксынып тыңладылар, сорауларына җавап таптылар. Без Сания Сибгатулловна   белән горурланабыз, саулык-сәламәтлек, хәерле гомерләр телибез, күп еллар Арча күгендә балкырга, башкаларга җылы биреп, гыйлем нурлары чәчәргә насыйп булсын!