17 нче февраль көнне  хәрби-патриотик айлык кысаларында 5а, 5б, 5в классы укучылары һәм әти-әниләре белән  берлектә «Әти, әни һәм мин- спорт гаиләсе» исемле  бәйге  үткәрелде. Чараның максаты: әти-әниләр, укучылар арасында җылы мөнәсәбәт, бер-береңне хөрмәтләү, спорт буенча җитезлек, өлгерлек сыйфатларын булдырып, патриотик рухта  балаларны тәрбияләү. Спорт чарасында командаларга бүленеп , һәр гаиләнең активлыгы, балалар белән бергә уеннарда катнашулары, көч сынашулары билгеләнде, командаларны котлап башкарылган җыр-биюләр күңелгә рәхәтлек өстәде. Бәйгедә спорт һәм туризм бүлегеннән «Форпост» җитәкчесе Зәйнуллин И. М. җиңүчеләрне тәбрикләде, спорт төрендә иң актив гаиләләргә грамота, истәлекле бүләкләр тапшырды.