Гимназиянең актлар залында музыка мәктәбе  филиалына йөрүче укучылар белән берлектә Әтиләр көненә багышланган «Күпмилләтле дәүләттә милли йолалар һәм бәйрәмнәр» исемле  әдәби-музыкаль кичә үткәрелде. Бу чараның максаты: төрле милләт балалары арасында дуслык, татулык, бердәмлек, тынычлык, бер-береңә карата  хөрмәт хисләре тәрбияләү.Укучылар татар, рус,мари халыклары җырларын җырладылар,биюләрен башкардылар, төрле уен коралларында: курай, гитара, баян, синтезарда уйнадылар. Әтиләрне бәйрәм белән котладылар. Һәркем әлеге чарадан күтәренке кәефтә булдылар. Укучыларыбызның иҗат чишмәләре тынмасын, халкыбызның милли йолаларын өйрәнүдә зур теләктәшлек телибез.