Бүген гимназиядә «Татарстан Республикасының хатын-кыз исемнәре:тарих һәм хәзерге заман» проекты кысаларында 43 ел педагогик стажы булган, әйдәп баручы укытучы , хезмәт ветераны, РСФСР халык мәгарифе отличнигы, Арча районының мактаулы гражданины Фатхуллина Рая Ахуновна белән очрашу үткәрелде. Рая ханым үзенең чыгышында укучыларны үзенең тормыш юлы, хезмәт юлы белән таныштырды, сугыш чоры баласы буларак мәңге хәтердән уелмый торган истәлекләре белән уртаклашты. Укучыларга үзе язган шигырьләрен  тәкъдим итте, балаларга үзенең үгет-нәсихәтләрен, киңәшләрен җиткерде. Укучылар кызыксынып тыңладылар, сорауларына җавап таптылар. Без Рая Ахуновна белән горурланабыз, саулык-сәламәтлек, хәерле гомерләр телибез, күп еллар Арча күгендә балкырга, башкаларга җылы биреп, гыйлем нурлары чәчәргә насыйп булсын!