Гимназиядә хәрби-патриотик айлык кысаларында, Муса Җәлилнең туган көне уңаеннан татар теле һәм әдәбияты укытучылары белән берлектә «Муса Җәлил мәңге безнең күңелләрдә!» исемле кичә үткәрелде. Югары сыйныф укучылары  Муса Җәлилнең тормыш юлы һәм иҗаты белән  таныштылар, презентация  әзерләделәр,башлангыч сыйныф укучылары шигырьләрен яттан сөйләделәр, сәхнәләштерделәр. Муса Җәлил шигырьләре якты һәм матур тойгылар тәрбияли, кешеләрдәге һәм тормыштагы матурлыкны күрергә һәм шул матурлык өчен көрәшергә чакыра, туган илне яратырга, аңа тугрылыклы булырга өйрәтә. Халык батыр улын беркайчан онытмый.