Яшь буынга патриотик тәрбия бирү гимназиядә һәрвакыт игътибар үзәгендә тора. Ул иң элек укучыларда туган илгә , туган җиргә карата кызыксыну уятуны, патриотизмны күздә тота. Һәр елны, февраль ае гимназиябездә гражданлык-патриотик тәрбия  айлыгы итеп билгеләп үтелә.Айлык кысаларында күп кенә эшләр башкарыла. Шушы уңайдан ,сыйныфларда батырлык дәресләре, тәрбия сәгатьләре үткәрелә, кинофильмнар карау оештырыла.3 нче февраль көнне 1-11 нче сыйныф укучыларына  гимназиянең актлар залында «Африка» исемле кинофильм күрсәтелде. Бөек Ватан сугышы чорында  солдатларның кешелекле, кыю, мәрхәмәтле, ярдәмчел, сизгер характерлары, батырлыклары күрсәтелде.