«Мәктәпкә җыенырга  ярдәм ит» республика акциясе кысаларында, гимназиядә тантаналы  оештырылган чарада,   беренче сыйныфка баручы 27 балага уку кирәк-яраклары тутырылган портфельләр тапшырылды.Игелек чарасының максаты: матди кыенлыклар кичергән гаиләләрдәге   балаларны  мәктәп кирәк-яраклары белән тәэмин итүдә ярдәм күрсәтү. Хәйрия акциясен оештыруда зур ярдәм күрсәткән «Бердәм Россия» сәяси партиясе җитәкчеләренә, Арча муниципаль районы башлыгы Ильшат Габделфарт улына рәхмәтебез чиксез. Бәйрәмдә Арча районы мәгариф идарәсе җитәкчесе урынбасары З. Р. Кәлимуллина, гимназия директоры Н.Н. Муллахметов бу игелекле эштә катнашкан һәр  кешегә зур рәхмәт белдерде, балаларны яңа уку елы башлану белән котлады, әти-әниләргә гаиләләрендә зур уңышлар теләде.Хәйрия акциясен оештыручыларның да, аңа кушылучыларның да теләге бер генә: барлык укучыларның да йөзләрендә шат елмаю гына балкысын һәм бәхетле, сау-сәламәт булсыннар. Бәйрәм чарасы күтәренке рухта үтте.