Г. Тукай... Нинди Бөек, Зур, Даһи исем!Шул исем бер кеше тормышын гына түгел, ә халык, милләт, ил, тел язмышын да үз эченә ала. Г. Тукай-татар халкының горурлыгы. Аның әсәрләре һәр кешене гомере буе озатып бара. Ул язган шигырь-хикәяләрдәге персонажлар халык күңеленә якын һәм халыкның уй-фикерләре, хис-тойгылары белән дә туры килә.
Туган тел атналыгында укучыларның шигырь сөйләү күнекмәләрен камилләштерү, геройларны чын образлар итеп уйнау, җанландыру  максатыннан Г. Тукайның әсәрләрен сәхнәгә куйдык.
Г. Тукайның 136 еллыгын бәйрәм иткәндә дә, ул язганнар актуаль тормышчан булып кала. Өч дистәгә дә тулып җитмәгән гомере эчендә күпме иҗат җимешләре бүләк иткән бит ул! Бәйрәм рухы һәркем күңелендә онытылмаслык тәэсирләр калдырды.