Гимназиянең югары сыйныф укучылары актлар залында Казан шәһәренең Габдулла Тукай исемендәге Татар дәүләт филармониясе артистлары тарафыннан  "Илһамлы яшьлек"  чыгышын зур дулкынлану хисләре белән тыңладылар.Татар җырларын яраткан башкаручыларыбыз Татарстанның халык артисты Вил Усманов,Татарстанның атказанган артисты Марсель Вәгыйзов,Илһам Шакиров премиясе лауреаты Илгиз Мөхетдинов,Татарстанның атказанган җырчысы  Илүсә Хуҗина,"Җырлыйк әле"тапшыруының алып баручылары, халыкара конкурс лауреатлары Алина Кәримова һәм Азат Кәримов халкыбызның милли,моңлы көйләрен башкардылар.
Концертка билетларны укучылар  Пушкин картасы ярдәмендә алдылар.Яшь,талантлы артистларның җырлары күңел күтәренкелеге,игелеккә ышаныч,мәхәббәт,тугрылык бүләк итте,яшь буынга милли көйләрне житкерде.