Татарстан Республикасы Арча муниципаль районы башкарма комитеты мәгариф идарәсе балаларда гаиләгә, әти-әниләргә карата хөрмәт хисен арттыру, бала тәрбияләүдә гаиләнең роле зур икәнен күрсәтү, балалар күзлегеннән караганда хәзерге гаиләнең нинди икәнлеген ачыклау һәм талантлы укучыларны барлау максатында гомуми урта белем бирү учреждениеләренең 2–11 нче сыйныф укучылары өчен “Мин гаиләмне яратам”, “Әниемнең җылы кочагы” исеме астында  иншалар бәйгесе үткәрде. Комиссия эшләрне  җентекләп укыды һәм нәтиҗә чыгарды. Гимназиянең 2 нче Г сыйныфы укучысы Фәсәхов А.Ф. җиңү яулады (укытучысы Мөхетдинова А.Р.) Укучыбызга тагын да яңа үрләр яулавын, иҗади уңышлар теләп калабыз.