Хәрби - патриотик айлык кысаларында 2 - 6 класс укучылары гимназия спорт мәйданчыгыда чаңгы ярышына старт алды. Көннең салкын булуына карамастан, балаларның күңеле шат иде, һәркем ярышка әзерлек белән килгән. Көчле яңгыраган көй спортчыларны алга әйдәде. Күкрәкләренә номерлар таккан башлангычлар беренче булып чаңгы ярышы стартына басты. Финишка килгән һәр укучыны көчле алкышлар, "Ур-ра" тавышлары белән каршы алдылар. Физик тәрбия укытучылары Илҗясов З.А., Абдрахманов И.Х., Алеев Л.Р., Әхмәтгалиев А.Г., класс җитәкчеләре һәр баланы мактады, килү вакытын билгеләде. Спорт - чыныгу, сәламәтлек билгесе. Спорт бәйгесе һәркемне шатландырды.