Арча муниципаль районы мәгариф идарәсе тарафыннан уздырылган  "Тулы һәм сыйфатлы милли белем алуга бердәй тигез мөмкинлекләр тудыру" һәм БДИ га әзерлек, сәләтле балалар белән эш темасына татар теле һәм әдәбияты укытучыларының түгәрәк өстәле утырышы булды. Әлеге чарада татар теле укытучысы Шәфигуллина З.Г. "Педагогик осталыкны камилләштерү, үз белемеңне күтәрү юллары" дигән темага чыгыш ясады. Чарада катнашучылар фикер алыштылар, алда торган бурычларны хәл иттеләр, мәктәпләрдә туган тел һәм дәүләт телләрен укытуны камилләштерү буенча тәкъдимнәр кабул иттеләр.