Район күләмендә уздырылган ярминкәдә гимназия коллективы, укучылар, әти-әниләр актив катнаштылар. Гимназия яны бакчасында үстерелгән мул уңыш һәркемне сокландырды, төрле-төрле яшелчәләрне район халкы, өлкәннәребез бик теләп кабул итте. Ярминкәдә өлкәннәребез өчен хәйрия чәе оештырылды. Кул эшләре күргәзмәсендә укучылар ясаган картиналар, түбәтәйләр куелды. Татарстаннын атказанган ветеран укытучысы Вәлиуллина Г.З. үз куллары белән үстергән төрле төрдәге җимеш куаклары, аллы-гөлле гөлчәчәкләр белән һәркемне хозурландырды. Җырлы-биюле, яшелчәләргә бай ярминкә һәркемгә көч-куәт, илаһи нур өстәде. Тырыш хезмәтегез өчен һәркемгә рәхмәт!