Хәрби патриотик айлык дәвам итә. Бүген гимназиябездә Әфганстанда, Чечняда хезмәт иткән солдат әтиләр белән очрашу булды. Районыбызда әфганчы егетләребезнең җитәкчесе Баһаветдинов Сергей Лимусович, ветеран-сугышчы Салихов Рөстәм Раушан улының чыгышлары укучылар күңелендә онытмаслык хатирә калдырды, батырлар даны мәңгелек икәненә инандылар.Чыгарылыш класс укучысы, бүгенге көндә армия сафларында хезмәт итүче Сираҗиев Альмирның әти-әнисе сәхнәгә күтәрелде, кулларында улының фотосүрәте, зур горурлык белән искә алдылар. Соңыннан укучылар шигырьләр сөйләделәр, сәхнәләштерелгән әсәр күрсәттеләр. Кичәне тарих укытучысы Әхмәтханова Г.Г. алып барды.