3 нче апрельдә  гимназиядә уку атнасы  Россия Федерациясе һәм Татарстан Республикасы флагларын күтәрүдән, дәүләт гимннарын башкарудан башланды. Россия Федерациясе һәм Татарстан Республикасы флагларын күтәрү  хокукы гимназия күләмендә уздырылган һәм район чараларында актив катнашкан 9 нчы А сыйныфы укучылары Ахунова Алия һәм Низамиева Сиринәгә бирелә.

3 апреля  учебная неделя в гимназии традиционно началась с вынесения флагов Российской Фелерации и Республики Татарстан, исполнения Государственных гимнов Торжественное право внести флаги Российской Федерации и Республики Татарстан было предоставлено Ахуновой Алии, Низамиевой Сирине (9А класс), участники районных мероприятий.

«Татарстанда Милли мәдәниятләр һәм гореф-гадәтләр елы» уңаеннан гимназиянең актлар залында Арча "Каурый каләм" иҗат берләшмәсенең актив язучылары, бөтен гомерләрен балалар тәрбияләүгә багышлаган ветераннарыбыз Халидә Габделхак кызы Фәйзрахманова һәм Халидә Фоат кызы Вафина белэн җылы очрашу булды. Милли җанлы, әдәбиятка гашыйк хөрмэтле кунаклар укучыларны кызыксындырган сорауларга җавап бирделәр, үзләренең шигырьләрен укыдылар,  мәктәптә укыткан вакыттагы күңелле вакыйгалар турында сөйләделәр. Үзләре иҗат иткән шигырь китапларын гимназия китапханәсенә бүләк иттеләр. Бәйрәм җыр-моң белән үрелеп барды. Очрашу балалар куңелендә озак сакланыр.

3 апреля в рамках «Разговоры о важном» прошло занятие на тему: «День земли». Цель занятия: познакомить обучающихся с Днём Земли, дать первоначальные сведения об экологии, формировать грамотное экологическое поведение, представляющее собой ответственное отношение к окружающему миру, воспитывать бережное отношение к природе и к окружающей среде.

Уважаемые законные представители!  30 марта 2023 начинается кампания по Приему заявлений в первый класс Гимназии для граждан, проживающих на закрепленной территории, а также детей, имеющих право преимущественного приема. Гимназия осуществляет прием указанного заявления:

- в электронной форме посредством ЕПГУ;

Каникулны файдалы, мавыктыргыч, күңелле үткәрү максатыннан , укучыларыбыз  Арча районы музейларына экскурсия ясыйлар.Бүген  5А сыйныфы укучылары, сыйныф җитәкчесе Галимзянова Ф. Н. белән «Арча әдәбият һәм сәнгать музеенда» экскурсиядә булдылар.
Арча районы мәдәният һәм сәнгать музеенда алган тарихи  мәгълүматны укучылар яратып тыңладылар. Арча ягы белән бәйле  язучы-шагыйрьләр  һәм  сәнгать эшлеклеләре турындагы материаллар белән таныштылар.
Аерым бүлмәдә Гомәр Бәшировка багышланган экспозиция бар. Анда язучының үзе бүләк иткән шәхси әйберләре һәм китаплары куелган (эш өстәле, урындыгы, язу приборы, костюм-күлмәге, чәйнеге, самавары һ.б.), аның тормыш юлы белән бәйле фотолар урнаштырылган. Язучылар турында  фотодокументлар, кулъязмалар, хатлар һәм китаплар урын алган.Музей җитәкчесе укучыларга кирәкле, кызыклы, яшь үзенчәлегенә туры килерлек тарихи мәгълүматлар бирде, фотолар белән таныштырды, язучылар иҗатына, тормышына күзәтү ясады.Һәрбер шәхес-үзе бер тарих, үзе бер могҗиза!Горурланырлык якташ язучыларыбыз күп, аларның мирасын югалтмый саклыйк!!! Әңгәмәгез өчен зур рәхмәт!

 Язгы каникул көннәрен мавыктыргыч итеп үткәрү максатыннан,бүген «Казан Арты»-Арча тарихи-этнография музеена 1А, 1Б  сыйныфы укучылары сыйныф җитәкчеләре Ахмадуллина Г. И., Низамиева Г. М. белән берлектә экскурсия оештырдылар. Музейда безнең әби-бабаларыбызның   истәлекле, кадерле, борынгы әйберләре  сакланган. Музей җитәкчеләре укучыларга  бик үзенчәлекле тәрбия дәресләре бирделәр, тарихлары белән таныштырдылар. Музей җитәкчеләре тарафыннан үткәрелгән сәяхәт укучыларда зур кызыксыну уятты, әби-бабайларыбыз мирасына сакчыл караш, ныклы игътибар, милли мәдәниятебезне, гореф-гадәтләребезне саклау бурычын куйдылар. Эчтәлекле тарихи мәгълүматларыгыз  өчен зур рәхмәт!

Язгы каникул вакытын файдалы үткәрү максатыннан, 28 нче  март көнне 4А, 4Б, 4В  сыйныфы укучылары сыйныф җитәкчеләре  Закирова Э. А., Туктарова Э. Р., Сагидзянов А. Ф. белән берлектә музейга сәяхәт ясадылар. Алар бүген  Габдулла Тукай исемендәге Арча педагогика көллиятендә   булдылар, музей җитәкчесе Дамир Гилемшаехович  “Әлифба” музее буйлап экскурсия үткәрде, анда балалар татар телендә беренче китап - “Әлифба” белән таныштылар һәм аның авторлары булып көллиятнең элеккеге укытучылары торганлыгын белделәр, шулай ук дөньяның алтмыштан артык иленнән китерелгән букварларның зур коллекциясен карадылар.  
Мондый чаралар балаларның мөмкинлекләрен һәм мәнфәгатьләрен бик яхшы  ача.

23 нче март көнне, гимназиянең 4 нче сыйныф укучылары белән берлектә «Нәүрүз котлы булсын!» бәйрәм кичәсе иртәнге фойеда һәр укучыны каршы алу белән башланып китте.

Нәүрүз – язны каршылап, язгы чәчү эшләре алдыннан үткәрелә торган халык бәйрәме ул. Нәүрүз сүзе яңа көн (ел) дигәнне аңлата. Нәүрүз бәйрәме – ул игелек, дуслык бәйрәме. Бу гүзәл, язгы бәйрәм көнендә кешеләр бер-берсенә кунакка йөриләр, бер-берсенә булган үпкәләрен оныталар, җырлыйлар , бииләр, рәхәтләнеп күңел ачалар. Бу бәйрәмнең хуҗасы- Нәүрүзбикә.
Нәүрүз көнендә ел буе кылган гамәлләргә нәтиҗә ясала, киләчәккә планнар корыла.
Нәүрүз бәйрәме төрки халыкларны милли мәдәни берләштерүгә һәм аларның гореф-гадәтләрен, йолаларын саклауга һәм үстерүгә зур өлеш кертә.
Нәүрүз бәйрәмен каршы алу, борынгы әби-бабаларыбызның мирасын саклап калу, югалтмау -безнең максатыбыз.
Татар теле һәм әдәбияты, өстәмә белем бирү укытучылары белән берлектә үткәрелгән бәйрәмне 1-4 нче сыйныф укучылары ихластан карадылар, Көн белән Төннең алышынуын белделәр, ераклардан кайткан канатлы дусларыбыз-Кара каргаларның теләкләрен тыңладылар, мәкаль-табышмакларына җаваплар бирделәр. Ә менә Кыш бабай белән Нәүрүзбикәнең тартышуын, берсен-берсе узышуын карагач, аптырап та калдылар. Нәүрүзбикә изге теләкләрен әйтеп, һәркемне котлады, бүләкләрен бирде. Бәйрәмнең беренче өлеше укучыларның җырлы-биюле уеннары, балалар фольклоры, уен коралларыннан төзелгән ансамбль, шигырь-әйтемнәр белән үрелеп барды.
Бәйрәмнең икенче өлеше спорт залда дәвам итте. Укучылар командаларга бүленеп, «Күңелле эстафета» спорт чарасында көч сынаштылар.Ярышта һәркем беренчелекне алырга тырышты, ә Нәүрүзбикә алдынгыларга бүләкләрен бирде, мактады. Бәйрәм азагында укучылар тәмле Нәүрүзбикә боткасы белән сыйландылар. Илләребез тыныч, көннәребез аяз, Нәүрүз котлы булсын!

Бүген, 27  нче март-Халыкара театр көне! Күркәм бәйрәм белән котлыйбыз!Театр көне белән, дуслар! Театр сәнгате төрле халыклар арасында дуслыкны арттыра, берләштерә, халкыбызның рухын ныгыта, теленә, гореф-гадәтенә мәхәббәт уята. Театр -ул серле бер дөнья! Күпме күңелләрне дәвалап, хыял, гүзәллек, рухи байлык бүләк итә!Бөек Тукаебыз татар халкы тормышын театрсыз күз алдына да китерә алмаган. Ә без театрны тамашачылардан башка күз алдына китерә алмыйбыз. Халыкара театр көне уңаеннан, гимназиянең өстәмә белем бирү «Буратино» исемле  түгәрәгенә йөрүче яшь талантларыбыз, театр җитәкчесе  Ахунова Л. А. белән берлектә, Арча 1нче  номерлы «Салават күпере» балалар бакчасында бөек  язучыбыз  Габдулла  Тукайның«Кәҗә белән Сарык»әкиятен сәхнәләштерделәр.Яшь геройларыбызның әкиятне оста уйнауларын нәни тамашачы- дусларыбыз җылы кабул иттеләр. Дуслык җепләребез өзелмәсен, театр безне яктылыкка илтә, күңелләребезгә нур өсти, рухи байлыгыбызны арттыра. Яшәсен, театр!

Каникулны файдалы һәм әһәмиятле үткәрү  максатыннан , укучыларыбызны Арча районы музейлары белән таныштыру максат итеп куелды.Бүген  5Б сыйныфы укучылары, сыйныф җитәкчесе Гыйззәтуллина Ф. И. белән «Арча әдәбият һәм сәнгать музеенда» экскурсиядә булдылар.
Арча районы мәдәният һәм сәнгать музее 1995 нче елның 26 нчы апрелендә ачыла, ул Татарстан республикасының тарихи һәм мәдәни һәйкәлләр исемлегенә керә. Музей экспозициясе Арча ягы белән бәйле 40 язучы-шагыйрь һәм 20 сәнгать эшлеклесе турында мәгълүматны үз эченә ала.
Аерым бүлмәдә Гомәр Бәшировка багышланган экспозиция бар. Анда язучының үзе бүләк иткән шәхси әйберләре һәм китаплары куелган (эш өстәле, урындыгы, язу приборы, костюм-күлмәге, чәйнеге, самавары һ.б.), аның тормыш юлы белән бәйле фотолар урнаштырылган. Шул ук бүлмәдә Бөек Ватан сугышында катнашкан Госман Бакиров, Мостафа Ногман, Әнәс Галиев, Рафаил Төхфәтуллиннар турындагы фотодокументлар, кулъязмалар, хатлар һәм китаплар урын алган.Музей җитәкчесе укучыларга кирәкле, кызыклы, яшь үзенчәлегенә туры килерлек тарихи мәгълүматлар бирде, фотолар белән таныштырды, язучылар иҗатына, тормышына күзәтү ясады.Һәрбер шәхес-үзе бер тарих, үзе бер могҗиза!Горурланырлык якташ язучыларыбыз күп, аларның мирасын югалтмый саклыйк!!! Әңгәмәгез өчен зур рәхмәт!