Бүген мәктәпнең 8-11 нче  сыйныф укучылары  бала хокукларын саклау буенча җәмәгать инспекторы  А.Р.Сафиуллина  белән   “Синең буш вакытың һәм сәламәтлегең” дигән темага диспут үткәрделәр. Үзләрен кызыксындырган сорауларга җаваплар алдылар. Укучылар белән әңгәмәдә сүз балаларның кызыксынулары, буш вакытларын  ничек үткәрүләре, хыял-максатлары,  җәмгыятьтәге хокуклары, үзара мөнәсәбәтләр буенча киңәш алу, сәламәтлек, иминлек турында барды.  Алсу Рәфкатовна укучыларга хокуклары турында гына түгел, ә вазифалары турында да әйтеп үтте. Закон бозган очракта аларны нинди җаваплылыклар көтәчәге хакында да сөйләде. Әңгәмә кызыклы һәм файдалы узды.