Кешене кеше итүче , яшәвенә мәгънә бирүче - хезмәт. Һәркем үзенең күңеленә ошаган һөнәрне сайларга хокуклы.  Ул үзенең сайлаган һөнәре белән халыкка хезмәт итә, яшәвен мәңгеләштерә.

     Туган ягыбызда да никадәр күренекле шәхесләр! Үзләренең намуслы тырыш хезмәте белән дәрәҗә, дан казанган төрле һөнәр ияләре бар: төзүчеләр, юл салучылар, тегүчеләр, балта осталары, токарьлар, слесарьлар, механизаторлар, буячылар, эшчеләр, икмәк пешерүчеләр, аны үстерүчеләр һәм башка һөнәр ияләре. Экономистлар, юристлар, эшкуарлар, эшмәкәрләр бу һөнәр ияләрен кысрыклап чыгарган заманда, бәлкем балаларда нәкъ менә төзүче, гади эшче, ипи пешерүче кебек башка һөнәрләргә мәхәббәт, хөрмәт тәрбияләргә кирәктер. Борын-борыннан тормышның хуҗалары булган эшчеләргә мәдхия җырланган.

      Гади эшче һөнәрен бүгенге көндә мәдхия җырланырлык дәрәҗәгә күтәрү, төрле һөнәр ияләре, аларның мактаулы хезмәтләре белән таныштыру, сәләтләре, мөмкинлекләре, хәзерлекләре төрле булган балалардагы эшче хезмәтенә булган мәхәббәтне вакытында күреп алу, аны үстерү буенча да мәктәптә өзлексез эш алып барыла.

        Бүген  мәктәптә  , “ Яшьлек һәм тәҗрибә очрашуы” дигән исем астында , нәкъ менә  авыл җирлегендә яшәп , әле дә туган авылында намуслы хезмәт итә торган хезмәт ияләре белән очрашу узды.

       Очрашу бик күңелле, җанлы, матур һәм файдалы булды .