Кырлайда Г.Тукай Дәүләт әдәби–мемориаль музей комплексында, Татарстан Республикасының Г.Тукай исемендәге Дәүләт премиясе лауреатлары Ринат Харис, Зиннур Мансуров, Фәнис Яруллинның тормыш иптәше Нурсия ханым, язучылар берлеге рәисе урынбасары, шагыйрь Рәмис Аймәт белән очрашу булып узды. Әлеге очрашуда безнең укучыларыбыз да катнашты. Алар мәртәбәле бүләккә лаек булган композиторларыбызның җырларын башкардылар, шагыйрьләребезнең шигырьләрен укыдылар.  Кунаклар үзләренең тормышлары һәм  иҗатлары, киләчәккә планнары турында сөйләделәр.  Биредә булган һәркем күңеленә рухи азык алып, тирән канәгатьләнү хисләре белән кайтып китте.Очрашу безнең   укучыларыбыз күңелендә  дә онытылмаслык тәэсирләр  калдырды.