Бүген мәктәбебездә урта һәм өлкән сыйныфларның “Көзге бал” бәйрәмнәре узды. Урта сыйныф укучылары бәйрәмгә әти-әниләрне дә чакырды. Мәктәп директоры Кавиева Рәмизә Рәисовна укучыларны, укытучыларны, әти-әниләрне бәйрәм белән котлап, матур теләкләрен җиткерде. Макулатура, батарейкалар җыюда иң актив катнашкан укучыларга бүләкләр тапшырды. Бәйрәмгә һәр сыйныф бик яхшы итеп әзерләнгән иде. Алар көзге уңыштан төрле композицияләр ясадылар, үзләренең иҗади сәләтләрен күрсәттеләр. Бәйрәм җырлар, шигырьләр, уеннар һәм кызыклы конкурслар белән дәвам итте. Укучылар үзләренең театр сәнгатенә дә битараф булмауларын күрсәттеләр. Көзге муллыкка, хезмәткә багышланган кичә һәркемнең күңелендә озак сакланыр.