Кошлар – табигатьнең күрке, яме. Алар ялтыравыклы матур каурыйлары, нәфис гәүдәләре, нәни томшыклары, үзәк өзгеч җыр-моңнары, сайраулары белән табигатькә, кеше күңеленә ямь өстиләр, илhам бирәләр. 1906 елның 1 апрелендә кошларны саклау буенча Халыкара конвенциягә кул куела. 1906 елдан башлап дөнья күләмендә Халыкара кошлар көнен  үткәрү традициягә керә.
   Шул уңайдан Г.Тукай исемендәге Ашытбаш урта мәктәбендә “Кошлар безнең канатлы дусларыбыз” дигән викторина үткәрелде. Анда 5-8 сыйныф  укучылары катнашты.Башта укучылар презентация ярдәмендә күчмә  һәм кышлаучы кошлар белән таныштылар,кошлар турында өйрәнеп килгән шигырьләрен сөйләделәр. Ике командага бүленеп викторина сорауларына җавап бирделәр, кошлар турында җырлар җырладылар.Кошлар көненә багышланган викторина бик күңелле һәм мавыктыргыч үтте.