Әни! Дөньядагы иң матур, иң кадерле, иң татлы сүз ул. Әни дигәндә дөньялар яктыра, җылынып китә, күңелләр нечкәрә, күзләргә яшь килә. Чөнки җирдәге иң бөек кеше – ул безнең кадерле, яраткан әниебез.
Әниләр көне уңаеннан Акчишмә башлангыч мәктәбендә  китапханәче Мөхәммәтдинова Халидә апай белән берлектә "Әнием — күз нурым, иң кадерлем син минем" исеме астында бәйрәм кичәсе үткәрелде. Бәйрәмгә хөрмәтле әниләребез, кадерле, яраткан әбиләребез чакырылды. Кичә әниләргә багышланган шигырьләр, матур җырлар, күңелле, дәртле биюләр белән үрелеп барылды. Укучылар үз куллары белән ясаган бүләкләрне кадерлеләренә бүләк иттеләр.
 
Әни җирдә иң күркәм кеше, 
Әниләрнең белик кадерен.
Җил давылдан саклап үстергән ул. 
Кызганмыйча бөтен гомерен.
Аның киңәшләре көч - дәрт өсти,
Илһам бирә миңа яшәргә.
Бәхет - шатлык белән һәрчак язсын
Әни диеп аңа дәшәргә.