Бүген балалар күп еллар буе мәктәптә хезмәт куйган өлкән буын вәкилләрен бәйрәм белән котладылар. Алар һәрберебез өчен зирәклек, белем, тормыш тәҗрибәсен, рухи кыйммәтләрне һәм милли гореф-гадәтләребезне  саклаучы булып тора. Өлкән кешеләребезне хөрмәт итү – урта һәм яшь буынның асыл бурычы. “Олыласаң олыны, олыларлар үзеңне”, — ди татар халык мәкале.

     Хөрмәтле ветераннарыбыз!

     Күп еллык тырыш хезмәтегез, түзем һәм зирәк булуыгыз, тормыштан мәгънә табып яшәвегез өчен сезгә зур рәхмәтебезне җиткерәбез. Сезгә ныклы сәламәтлек телибез. Туганнарыгызның һәм якыннарыгызның кайгыртуын һәм мәхәббәтен тоеп яшәргә язсын, бәйрәм котлы булсын!