Бүген башлангыч класс укучылары белән "Туган тел сагында" акциясе кысаларында «Сөмбелә» бәйрәме үткәрелде . Елның сихри фасылында - көн белән төн тигезләшкән вакытта татар халкы «Сөмбелә» бәйрәмен уздырган. Ул көзге бәйрәм, уңыш бәйрәме. Бу вакытта инде уңыш җыю эшләре тәмамлана.
   «Сөмбелә» - башак дигән сүз. Җитен чәчле, зәңгәр күзле, зифа буйлы, сүзгә тапкыр, эшкә уңган кызны Сөмбелә дип йөрткәннәр. Балалар көз кызына багышлап туган телебездә  шигырьләр сөйләделәр,   җырлар җырладылар, биюләр башкардылар. Сөмбелә балаларга күңелле уеннар уйнатты, тапкырлыкта, зирәклектә көч сынаштылар . Бәйрәм бик күңелле үтте.