Илебез буенча октябрь ае башында Өлкәннәр ункөнлеге уздырыла. Безнең Акчишмә башлангыч мәктәбендә дә өлкәннәребез өчен бәйрәм кичәсе уздырылды. Укучыларыбыз өлкәннәргә үзләренең аларга карата булган ихтирамын матур җырлар, дәртле биюләр аша җиткерделәр. Гомерләре буе хезмәттә кайнаган, сугыш һәм сугыштан соңгы авырлыкларны иңнәрендә күтәргән әби-бабаларыбыз картлык көннәрендә зур игътибарга, хөрмәткә лаек.
 Бөтен кешелек дөньясына ямь бирүче, елмаюларыгыз белән безне иркәләүче, җылы карашларыгыз белән назлаучы, акыллы фикерләрегез белән безгә юл күрсәтүче сөекле дәү әниләребез, кадерле әбиләребез, бабаларыбыз! Рәхмәт сезгә, бу дөньяда куйган хезмәтләрегез, кылган изгелекләрегез өчен. Бәйрәм белән сезне!!!