9 нчы май. Җиңү көне. Әлеге датаны искә алмаган бер генә кеше дә, билгеләп үтмәгән бер генә төбәк тә юктыр, мөгаен. 8 май көнне безнең авылыбызда да Җиңү бәйрәменә багышланган митинг узды. Анда   тыл ветераннары, сугыш чоры балалары, авылдашлар, килгән кунаклар  катнашты. Бәйрәм котлаулар ,чыгышлар, укучылар һәм укытучылар белән берлектә әзерләнгән  концерт программасы белән үрелеп барды. Бөек Ватан сугышында һәлак булганнар истәлегенә куелган һәйкәлгә венок салу һәм алар истәлегенә бер минут тынлык белән дәвам итте. Бәйрәмдә  Арча районы башкарма комитеты җитәкчесе Гатиятов Ренат Мансур улы, җирле үзидарә башлыгы Хабибуллин Рәдис Харис улы, “Ашытбаш” ширкәте җитәкчесе Мөбарәкшин Рөстәм Мидхәт улы, мәктәп директоры Кавиева Рәмизә Рәис кызы чыгышлары тыңланды. Соңыннан ветераннарыбыз чәй өстәленә чакырылды. Хөрмәтле ветераннар, тыл хезмәтчәннәре,сугыш чоры балалары!Сезне Бөек Җиңү көне белән ихлас күңелдән тәбрик итәбез.Сезгә чын йөрәктән нык сәламәтлек, күңел күтәренкелеге, тынычлык һәм иминлек телибез.