Кардан төрле-төрле сыннар ясау күптәннән килгән традиция. Ел саен мәктәбебез территориясендә  берсеннән-берсе матур сыннар пәйда була. Әлеге көннәрдә ишегалды гөрләп тора: кемдер кар ташый, кемдер йомарлый, кемдер аерым детальләр ясый, шул ук вакытта кемдер су сибеп, сыннарны формалаштыра. Татар халкында “Бердәмлектә көч” дигән мәкаль бар. Бергә эшләгән эшнең нәтиҗәсе дә матур: мәктәп яны әкияти матурлыкка әйләнә. Димәк, тиздән, бик тиздән Яңа ел җитә! Санаулы көннәр, санаулы сәгатьләр калып бара.