Бүген мәктәбебездә профсоюз оешмасы членнары арасында шашка-шахмат буенча зона ярышлары булып узды. Чарада барлыгы 8 башлангыч профсоюз оешмасыннан 21 уенчы катнашты.

      Катнашучылар янына Кыш бабай белән Кар кызы, Убырлы, Тычкан да килеп, якынлашып килүче яңа 2020 нче ел белән котладылар, кунаклар белән бергә чыршы тирәли хоровод әйләнделәр.

        Ярыш вакытында уенчылар үзләренең интеллектуаль  осталыкларын сынадылар. Мондый чаралар үзара аралашырга, күңелле ял итәргә ярдәм итә.

Нәтиҗәләр түбәндәгечә булды:

1) Шашка уеннары

Ир-атлар:

1. Абдуллин Р.Р. (Носы төп гомуми белем мәктәбе)
2. Фәттеров Ф.Г. (Ташкичү төп гомуми белем мәктәбе)
3. Лотфуллин Г.Б. (Яңа Кенәр интернат мәктәбе)

Хатын-кызлар:

1. Хәкимҗанова Р.Р. (Ташкичү төп гомуми белем мәктәбе)
2. Мөхәммәтшина Л.В. (2 нче номерлы Арча балалар бакчасы)
3. Абдуллина Э.В. (Носы төп гомуми белем мәктәбе)

2) Шахмат уеннары

Ир-атлар:

1. Галиуллин С.В. (Г.Тукай исемендәге Ашытбаш урта гомуми белем мәктәбе)
2. Камалиев Р.Г. (Ташкичү төп гомуми белем мәктәбе)
3. Ганеев И.Т. (Г.Тукай исемендәге Яңа Кырлай урта гомуми белем мәктәбе)

Хатын-кызлар:

1. Шәрәфетдинова Г.Н. (Г.Тукай исемендәге Яңа Кырлай урта гомуми белем мәктәбе)
2. Мортазина Ф.С. (Шушмабаш урта гомуми белем мәктәбе)
3. Фәттерова Р.И. (Ташкичү төп гомуми белем мәктәбе)

    1 нче урынга лаек булучы уенчылар 6 нчы январь көнне шулай ук Г.Тукай исемендәге Ашытбаш урта гомуми белем мәктәбендә узачак финал ярышларында көч сынашачак. Аларга тагын да зуррак уңышлар телибез.