Яшүсмерләрнең тәртибе турында сөйләшү, күңелсезлекләрне булдырмый калу, кылган эшеңә җавап бирә белү һәм башка шундый мөһим проблеманы уртага салып сөйләшү максатыннан мәктәптә  участок инспекторы Р.Г.Рахматуллин  белән очрашу үткәрелде.

   Район , республика буенча статистика мәгълүматлары, яшүсмерләр тарафыннан кылынган күңелсезлек фактлары әйтеп үтелде. Кич чыгучыларның төрле тәртипсезлек кылу юлына басулары,  эчкән яшүсмерләрнең теләсә нинди җинаять юлына басу мөмкинлеген аңлатып, кисәтелде. Нинди тәртипсезлекләре өчен яшүсмер учётка басарга мөмкинлеге дә  кабат искәртелде.Укучылар үзләрен кызыксындырган сорауларын бирделәр. Бу очрашу эшлекле атмосферада, нәтиҗәле узды.