Бүген Ашытбаш мәдәният йортында “Язгы моңнар” исемендәге укучылар иҗат концерты булды. 3 сәгатькә якын барган концерт бик оешкан төстә, бер сулышта үтеп китте. Укучылар үзләренең сәләтләрен нәфис сүз, җыр, бию, театр өлкәсендә дә күрсәттеләр,   скрипка, баян кебек музыка уен кораллары белән дә чыгыш ясадылар.Концерт барышында әти-әниләр, килгән кунаклар укучыларыбызның быелгы уку елында  ирешкән уңышлары белән дә таныштылар. Балалары уку, спорт, иҗат буенча аеруча  уңышларга  ирешкән әти-әниләргә рәхмәт хатлары тапшырылды. Шулай ук сыерчык оялары ясау, макулатура һәм каен бөресе җыюда иң актив классларга мактау грамоталары бирелде, 1,2,3 нче урыннарга лаек булган укучыларга истәлекле бүләкләр тапшырылды. Чарадан әти-әниләр дә, укучылар да, килгән кунаклар да зур кәнәгатьлек хисе белән таралышты.