19 нчы декабрь көнне мәктәбебезгә балигъ булмаган балалар белән эшләүче комиссия вәкилләре, гинеколог һәм “Мәрхәмәтлелек үзәгеннән” психолог һәм социаль педагог килде. Алар  8-11 класс укучылары белән очрашу үткәрделәр. Балигъ булмаганнар белән эшләү бүлеге өлкән инспекторы, капитан Алсу Айдаровна районда  яшүсмерләр катнашындагы җинаятьләр буенча статистик мәгълүматлар белән таныштырды, сәбәпсез дәрес калдырулар, спиртлы эчемлекләр, кич чыгулар буенча кисәтте, штраф күләмнәрен атады. КДН секретаре Альбина Фаритовна да укучыларны комиссия эшчәнлеге белән таныштырды, нинди очракларда гаиләләр күзәтү астына алыначагын искәртте. Психолог Инна Раисовна да укучыларга төрле киңәшләрен җиткерде, ярдәм кирәк булганда кемнәргә, ничек мөрәҗәгать итәргә кирәклеген, санаторийларга юлламалар алу мөмкинлекләрен аңлатты. Ахырдан гинеколог Галия Намусовна кызлар белән аерым әңгәмә уздырды.