28 нче апрель көнне Г.Тукай исемендәге Ашытбаш урта гомуми белем мәктәбенең профсоюз оешмасы рәисе Шәйхетдинова Гөлүсә Вагыйзь кызы “28 нче апрель – Бөтендөнья хезмәтне саклау көне” уңаеннан мәктәп укучылары өчен “Һәр кеше куркынычсыз тормышка лаек” исеме астында класс сәгате үткәрде. Дөньядада иң кадерлесе – кеше гомере, аны сакларга кирәк. Класс сәгатенең төп максаты да – хезмәт хәвефсезлеге мәсьәләсенә яшьләрнең игътибарын юнәлтү; эштә, уку урынында бәхетсезлек очракларын булдырмый калу. Укучылар бу истәлекле датаның килеп чыгу тарихы, РФ Хезмәт кодексында искә алынган хезмәт шартлары белән  таныштылар, статистик мәгълүматларга күз салдылар. Ахырдан хезмәт урыннарында вакытсыз гомерләре өзелгәннәрне бер минут тынлык белән искә алдылар.