Иң яхшы эш авторлары  бүген 2 нче турга җыелды. Аларга тантаналы шартларда бүләкләр тапшырылды.Җиңүчеләребезне котларга мәгариф бүлеге методисты Мостафина Энҗе Габдуллатҗан кызы килде. Ишек төбеннән үк килгән кунакларны Тукайның әкият геройлары каршы алды һәм  сәламләделәр.

Бәйге өч төрле номинациядә узды: ”Тукай турында татар телендә иҗат эшләре”, ” Г. Тукай әсәрләре рус теленә тәрҗемәдә яки укучы үзе иҗат иткән Г. Тукайга багышланган рус телендәге шигырьләр” ,”Г. Тукай әсәрләре инглиз теленә тәрҗемәдә яки укучы үзе иҗат иткән Г. Тукайга багышланган инглиз телендәге шигырьләр”. Укучыларның иң яхшы эшләре  I,II,III дәрәҗәле дипломнарга лаек булды, шулай ук алар арасыннан дипломантлар да билгеләнде. Кичә җыр һәм биюләр  белән үрелеп барды. Килгән кунаклар мәктәп белән, коллективның эш нәтиҗәләре белән таныштылар.