12-17 ноябрь көннәрендә мәктәбебездә  башлангычлар атналыгы үтте. Әлеге атналык кысаларында  ачык дәресләр, төрле бәйге-ярышлар, конкурслар, чемпионат, математикадан олимпиада махсус план нигезендә алып барылды . Үткәрелгән чаралар информацион- технологияләргә таянып, укыту- тәрбия эшенең нәтиҗәлелеген күтәрү, укучыларның сәламәтлекләрен ныгыту,  дәрестән тыш вакытларын нәтиҗәле итеп уздыру максатыннан чыгып оештырылды.

      Атналык балалар бакчасы, урта мәктәп, ата-аналар белән тыгыз элемтәдә үткәрелде. Чараларда балалар бик теләп һәм актив катнаштылар, җиңүчеләргә призлы урыннар бирелде, бүләкләр тапшырылды:

1.     “Иң зирәк” бәйгесендә җиңү яулаган 2 класс укучысы Әүһәдиев Рүзәлгә “Иң зирәк укучы” исеме бирелде.

2.     “Универсиада -2013” рәсем конкурсында  Әхмәтҗанова Люзия һәм Хәбибуллина Хәния 1 урынга лаек булды.

3.     “Бул син зирәк, бул тапкыр!” чемпионатында 14 балл җыеп 4 класс укучысы Гыйбадуллина Алсу 1 урынны яулады.

4.     “Көчлеләр, кыюлар, җитезләр” ярышында “Очкын” командасы җиңү яулады.