19 май – ул Пионер туган көн.  Бу -  тарихыбызның  бер кыйпылчыгы . Нәкъ менә шушы көн һәр елны  безнең мәктәптә  зурлап үткәрелә.  Ул авылыбызның иң матур   җирендә , табигать һәйкәленә тиң Артышлыкта  уза. 

19 нчы май - балаларның ел дәвамында көтеп алган һәм традиция буенча буыннан буынга тапшырыла торган бәйрәме. Балалар аны үзләренчә , яратып , “Фестиваль” дип тә атыйлар. Бәйрәмгә ветеран укытучыларыбыз, җитәкчеләр, мәктәпне тәмамлаган укучылар да бик теләп катнаша.

Бәйрәм тантаналы линейка белән башланып китә.  ГТО нормалары тапшыру планлы рәвештә алып барыла.Һәр төр үткәрелә торган урын алдан әзерләнә , җаваплы кешеләр билгеләнә.Мәктәпнең рекордлары яңара.Спорт буенча көчле укучылар билгеләнелә.
”Аҗаган” уены элементлары балаларны тагын да җанландыра.” Беренче ярдәм” буенча да белемнәр сынала. Ахырдан спорт уеннары дәвам итә. Ярышларда,уеннарда бердәмлек, дуслык, татулык кебек сыйфатлар ныгый,көчәя.