Бүген мәктәбебездә кабатланмас балачак иленең иң зур  бәйрәмнәренең  берсе -  Әлифба   бәйрәме булды. Бәйрәмгә әти-әниләр дә чакырылган иде. Җир йөзендә кем генә булмасын, кайда гына эшләмәсен, ул зур дулкынлану белән үзенең нәни кулларына тәүге тапкыр Әлифба  алганын искә төшерә. Чөнки һәркемнең дә белем дөньясына беренче адымы  Әлифбадан  башлана. Хәрефләрне тану, алардан иҗекләр, сүзләр төзү, укырга өйрәнү бик җиңел булмады. Бүген аларның һәрберсе укый белә. Чын күңелдән котлыйбыз аларны! Бәйрәмнең беренче өлеше тантаналы рәвештә җырлар, шигырьләр, әкият геройлары белән берлектә үрелеп барды. Икенче өлешендә 1нче класс укучылары 2 командага бүленеп Эрудит – шоу үткәрделәр. Алар бу бәйгедә төрле фәннәр буенча үзләренең белемнәрен сынап карадылар. “Сандугач” командасы җиңү яулады.