Хөрмәтле әти-әниләр!

  21 нче март көнне  “Хезмәт тәрбиясе һәм һөнәри юнәлеш бирү” дигән темага гомуми ата-аналар җыелышы үткәрелә. Ахырдан укучылар һәм укытучылар коллективының иҗат концерты була.

 Башлана 18.00 сәг.

Рәхим итегез!

Ай да башка, йолдызлар да башка,
Һава башка, хәтта җил башка!
Йөрәгемә шундый якын бар да
Туган авылым Ашытбашта.

   15 март көнне мәктәбебездә авылыбыз горурлыгы булган, үз таланты белән татар  халкының  күңелен яулаган , яраткан шагыйребез ,авылдашыбыз Наил Касыймов һәм Татарстанның атказанган артисты Рамил Миндияр белән очрашу кичәсе булды.

   Очрашу бик кызыклы , матур,тирән эчтәлекле  булды. Наил абый үзенең балачагы, олы  тормыш  юлына аяк басуы, беренче тапкыр каләм тотуы турында да бик кызыклы итеп сөйләп бирде, кайчак, шаярткалап,  балаларнын күңелен дә күтәрде.Үзенең киңәшләрен,теләкләрен җиткерде. Рамил Миндияр үзенең моңлы тавышы белән барыбызны әсир итте.

    Наил абыйның  классташлары, күршеләре истәлекләр белән уртаклаштылар,җылы , матур сүзләрен җиткерделәр. Кичәдә укучылар һәм укытучылар тарафыннан Наил абыйның шигырьләре, җырлары яңгырады. Укучыларның  шагыйрьгә  сораулары да бик күп иде. Наил абый аларның  берсен дә җавапсыз калдырмады.  Ул укучыларга,мәктәпкә  бик күп бүләкләр белән кайткан.Әлеге матур очрашу күңелләрдә мәңге сакланыр.

Сизелми гомер узганы

Дуслар җыелган җирдә.

Кайгы , сагыш онытыла,

Алар тик кала җырда.

Очрашыйк ,якын дусларым,

Вакыт туктасын әле.

Безнең өчен учак янсын,

Гомер янмасын әле!

Сугыш чыккан көнне хәтерлим мин,

Бүгенгедәй ачык хәтерлим.

Күзе яшьле, hаман көлеп торган

Йөзе кырыс иде әтинең...

    Балачак һәм сугыш – үзара сыеша алмый торган төшенчәләр. Сугыш чоры балаларының  балачагы ил өстенә төшкән  кайгы һәм интегүләрдән аерылгысыз була. Сугыш чоры балалары менә шундый язмышлары турында искә төшереп сөйлиләр.

    “Сугыш чоры балалары” дигән категориягә 1928-1945 елларда туучылар керә. Бөек Ватан сугышының иң яшь , тере  шаһитлары  нәкъ менә алар. Проектның актуальлеге – аның тәрбияви әһәмиятендә,  социаль бурычының  мөһимлегендә. Сугыш чоры балалары  кечкенәдән үк патриотлар булып  үсәләр.  “Ул сугышта алар да җиңәләр”: басуларда һәм заводларда  эшлиләр, укыйлар, әти-әниләренә  булышалар һәм барлык халык белән бергә Туган ил мәнфәгатьләрен яклап яшиләр.

    Мәктәбебез укучылары да әлеге проектка беренчеләрдән булып кушылды.  Сугыш чоры балалары – хәзер инде  күпне күргән, күпне кичергән чал чәчле өлкәннәребез .                      Кызганычка каршы , аларның күбесе әлеге сугышта әти-әниләрен,туганнарын,якыннарын югалтканнар. Сугыш чоры балаларының хатирәләре  - авылым тарихы,илем тарихы. Алар белән очрашулар, хатирәләр, истәлекләр тыңлау ,аларны туплау – бик кирәкле , әһәмиятле эш.  

                                            Хөрмәтле сугыш чоры балалары!Кадерле өлкәннәребез,әби-бабайларыбыз!

Түзем hәм сабыр булганыгыз өчен,

Алдыгызда җиргә кадәр баш иябез!

Туфан Миңнуллин истәлегенә багышланган  укытучыларның һәм укучыларның  республика конкурсында  мәктәбебезнең театр коллективы 1 нче урынны яулады. Г.Камал театры  артистларыннан торган жюри  һәм   Туфан абый Миңнуллинның   тормыш иптәше Нәҗибә апа  тарафыннан олы бәя алып,  Г.Камал театрына чакыру алдылар.

  13 март. Г. Камал исемендәге Татар дәүләт академия театры.Артистларыбызның искиткеч осталыгы, заманча сценография,музыкаль бизәлеш  безне таң калдырды. Тарих һәм бүгенге көнебезне, психологик реализм һәм театраль шартлылыкны, мавыктыргыч тамаша һәм тирән, көн кадагына суккан эчтәлекне берләштергән «Банкрот» спектакле күңелләрдә озак сакланыр.

13 марта на стадионе г.Арск состоялась районная военно-спортивная игра "Настоящие парни". Наши обучающийся заняли III место. Поздравляем!

Әлеге бәйрәм хөрмәтенә  мәктәбебездә төрле чаралар булып узды.Башлангыч класс укучылары, сөекле әниләребезгә  багышлап,   бик  матур  кичә әзерләгәннәр иде. 5-7 нче классларда “Безнең кызлар –иң яхшылар” бәйгесе, югары классларда “Ягез әле , кызлар!” ярышы  бик күңелле узды

8 март – Халыкара хатын-кызлар көне – иң якты, матур бәйрәмнәрнең берсе.

Язның беренче бәйрәме уңаеннан кояш кебек ягымлы, игелекле, аяз көн кебек якты күңелле, чәчәктәй  гүзәл затларыбызга күңел түреннән чыккан ихлас котлау сүзләрен һәм иң изге теләкләребезне җиткерәбез.

   Хөрмәтле гүзәл затлар, коллегалар, әниләр , дәү әниләр, кызлар! Сезне матур бәйрәмегез белән чын күңелдән тәбриклибез! Ныклы сәламәтлек, бәхет, якыннарыгызның хөрмәтен һәм сөюен, иминлек, бөтен изге эшләрегездә яңадан-яңа уңышлар телибез! Илләр имин булсын! Дөньялар тыныч булсын!

Көннең яктылыгы кояшта,

Күкнең матурлыгы йолдызларда,

Җир йөзенең гүзәллеге хатын-кызларда.

Сезне шул җир йөзенең бизәкләрен

Халыкара Хатын-кызлар көне белән тәбриклибез!

Бәйрәмнең кайсы да тәнгә җиңеллек,

Рәхәтлек, җанга ял алып килә.

Шушы бәйрәм көне, елмаеп баткан кояш матурлыгын,

Табигатьнең самимилеген өстәп,

Күңелегезгә шатлык, тәнегезгә сихәтлек,

Өйләрегезгә иминлек алып килсен .

10 марттан  1 нче класс укучыларының гаризаларын мәктәпкә кабул итү чоры башлана.  Мәктәп 15 укучыны кабул итәргә әзер. Гаризаларны язу өчен "Подача заявления на прием" бүлегенә керегез.