Электронное образование Республики Татарстан

11 июнь көнне лагерьда әкиятләр иленә сәяхәт иттек. Мәктәп китапханәсендә   булган әкият китаплары белән таныштык.
Ике команда арасында үткәрелгән викторина да бик җанлы үтте.
Саф һавада хәрәкәтле уеннар уйнадык, рәхәтләнеп ял иттек.
Көннең икенче яртысында “Яраткан әкият герое” темасына рәсем конкурсы оештырылды. Ахырдан конкурска нәтиҗә ясалды. Россиядә халыклар бердәмлеге елы уңаеннан төрле халыкларның әкиятләре укылды.
Бүгенге көн бик күңелле һәм файдалы узды.

Бүген лагерьда “Без талантлар эзлибез” музыкаль кичәсе уздырылды. Кичәгә балалар берничә көн алдан әзерләнделәр. Иртәдән музыка тавышы тынып тормады, балалар җырладылар-биеделәр, һәрберсе үзенең музыкаль осталыкларын күрсәтте. “Без артистлар” – отрядлар татар халык әкиятләрен сәхнәләштерделәр. Татар халкының
“Челтәр элдем читәнгә”, “Алия-Гөлия” җырлы -биюлле уеннарын өйрәнделәр.
Көннең икенче яртысында балалар өстәл уеннары уйнадылар.

9 нчы көн лагерьда Хезмәт көне. Мәктәп яны “Салават күпере” лагерена йөрүче укучыларга ял белән бергә хезмәт тәрбиясе дә бирелә. Балалар лагерьда уздырылган “Хезмәт десанты” операциясендә бик теләп катнашалар. Гөлләр , чәчәкләр тәрбиялиләр. Бүген “Хезмәт төбе – хәзинә” дигән темага балалар белән түгәрәк өстәл артында сөйләшү булды. Ахырдан хезмәт турында мәкальләр һәм табышмаклар бәйгесе уздырылды. Шулай ук көн саен лагерьда “Чүп-чар корол”енә каршы көрәш алып барыла. “Ватаным, сиңа!” темасына патриотик җырлар башкардылар.