Көзне сары төсе өчен генә түгел, ә көзге байлык, муллык өчен дә "Алтын көз" дип атыйлар. Табигать үзенчә матурая, тирә-яктагы яшеллек күзгә күренеп төсен сарыга үзгәртә. Туган җиребезгә, туган телебезгә мәхәббәт, игенче хезмәтенә, икмәккә хөрмәт, халкыбызның милли йолаларына ихтирам тәрбияләү, белемнәрне шигырьләр, җырлар, табышмаклар, мәкальләр аша ныгыту,балаларда күңел күтәренкелеге булдыру максатыннан бакчабызда "Хуш киләсен алтын көзем!"дип исемләнгән бәйрәм кичәсе булып узды. Бу бәйрәмгә балалар бик тырышып әзерләнделәр: шигырьләр , биюләр, җырлар өйрәнделәр. Кичә барышында җырлы-биюле уеннар уйнадылар, табышмаклар чиштеләр.Балаларның шат елмаюлары беркайчан да тынып тормасын иде.