Саубуллашыр чак та килеп җиткән, Сизмәгәнбез вакыт үткәнен. Сизмәгәнбез айлар, еллар белән Гамьсез балачакның үткәнен. Йөрәк түрендә җуелмас эз калдырган иң якты хәтирәләр кеше тормышының кайсы чорында күбрәк очрый икән? Мөган, чыклы үләннәрдә яланаяк йөргән, әти-әни белән җитәкләшеп бакчага килгән гамьсез, кайгы борчуларсыз балачактадыр.Менә безнең бакчабызның балалары өчен дә дулкынландыргыч та, шатлыклы да һәм моңсу да бәйрәм көнебез килеп җитте. Моңсу, чөнки күптәннән көткән, әмма безнең өчен бик тиз килеп җиткән көн бу. Бәхетле, үзенең гаилә бәйрәмнәре ,әти-әнинең уртасында, аның бармакларына тотынып, адымнарына өлгерергә тырышып йөгергән, әкияттәге тормышны чынбарлык итеп кабул иткән чиста балачак белән саубуллашу көне. Быел бакчабыздан иң акыллы, иң тәртипле 2 малаебызны Сабиров Нәфис Фаил улын, Гыйлманов Азат Альберт улын мәктәпкә белем алырга озатабыз.