Бүген бездә зур бәйрәм, Һәр кеше дә сөенгән. Чөнки безгә кунакка Безнең әниләр килгән. Әнкәй! Дөньядагы бердәнбер иң матур, иң татлы сүз. "Әнкәй дигәндә, дөньялар яктырып, җылынып китә, күңелләр нечкәрә, күзгә яшьләр килә.Иң кыен чакларда без әнкәйләрне искә алабыз,туган телебезне дә ана теле дип йөрибез. Шул уңайдан, бакчабызда "Әнием- кадерлем" дип исемләнгән бәйрәм иртәсе үтте. Балалар матур-матур шигырьләр сөйләделәр, уеннар уйнадылар, изге теләкләрен җиткерделәр. Бәйрәм иртәсе бик күңелле үтте. Кадерле әниләребез! Без сезне бәйрәм белән котлыйбыз. Хәзерге заманда барыбызга да кирәк булган сабырлык, сәламәтлек ташламасын сезне! Барлык кешеләр сезгә карап соклансын! Сез дөньядагы бар нәрсәдән дә кадерлерәк, матуррак! Бәхетле булыгыз! Сез аңа лаек!