5 нче гыйнвар көнне мәктәпнең алдыңгы укучылары район башлыгы тарафыннан оештырылган чыршы бәйрәменә бару бәхетенә ирештеләр. Бу бәйрәм балаларыбызның хәтерендә онытылмаслык истәлек булып калыр дип ышанабыз!

4 нче гыйнвар көнне Алтын Алка боз сараенда спортсменнарның яңа ел бәйрәмендә хоккей ярышында физкультура укытучысы Шәрәфиев Т.Р. җитәкчелегендә ир укучыларыбыз командасы катнашты. Нәтиҗәдә безнең егетләребез 3 нче урынга лаек булдылар. Әфәрин, егетләр!

30 нчы декабрь көнне мәктәбебез кунаклар кабул итте. Яңа ел бәйрәменә сугыш чоры балалары, Бөек Ватан сугышы ветераннары килде. Башта алар игътибарына укучылар тарафыннан әзерләнгән Яңа ел тамашасы тәкъдим ителде. Соңыннан очрашу чәй өстәле янында дәвам итте. Өлкән абыйлар, апалар сугыш чорындагы истәлекләрне яңарттылар, күңелле итеп аралашып утырдылар. Безгә кунакка килгәннәре өчен өлкәннәргә без бик рәхмәтле булып калдык.

30 нчы декабрьдән 8 гыйнварга кадәр мәктәп яны сәламәтләндерү лагере эшли башлады. "Кар бөртеге" дип исемләнгән ял итү лагерендә Шавалиева Р.Х. җитәкчелегендә балалар төрле кызыклы конкурслар, викториналарда катнашалар, Сөләйманов Ф.И., Гарифуллин Ш.К. җитәкчелегендә спорт мәйданчыгында кышкы уеннар уйныйлар. Лагерь җитәкчесе Гарифуллина А.У.

27 нче декабрь көнне Урта Балтай мәдәният йортында укытучылар җитәкчелегендә Урта Балтай мәктәбе укучылары тарафыннан "Хуш киләсең, Яңа ел!! бәйрәме узды. Яшь артистларыбыз авыл тамашачысына шигырьләр, җырлар, биюләр, күңелле стетчлар тәкъдим иттеләр. Бәйрәм куңелле рухта үтте.

24 декабря в нашей школе во всех классах прошли Уроки чистоты в виде классного часа. Давайте беречь чистоту нашего земного шара!

8 нче декабрь көнне мәктәп күләмендә Хәсән Туфан истәгегенә багышланган татар теле һәм әдәбияты укытучысы Исмәгыйлева И.А. җитәкчелегендә әдәби-музыкаль кичә узды.

Хоккей площадкасында яңа сезон ачылды. Укучылар физкультура дәресләрендә һәм дәресләрдән соң рәхәтләнеп хоккей уйныйлар, тимераякта шуалар.

Әниләр көне уңаеннан мәктәбебез укучылары кунакка әниләрен чакырып, классларда әниләргә багышланган кичәләр, бәйрәмнәр уздырдылар.

Хоккей мәйданчыгында яңа сезонны башлау максатыннан мәктәбебездә зур эшләр бара. Мәктәп укучылары физкультура укытучысы ярдәме белән хоккей мәданчыгыда боз катыралар. Инде эшләр ахырына якынлаша. Озакламый барлык укучылар мәйданчыкта кышкы спорт уеннарын уйный алачаклар.