Бакча тирәсендә үсеп утырган агачлар белән таныштык. Рамин аларны кочаклап "Хәлләрен" дә сорады. Агачлар да ничектер  эчтән генә уз телләрендә сөйләшәләр кебек ди ул. Кыш көне дә агачларның ничек үсүләре турында белдек. 

Балаларның иң яратып, көтеп алган бәйрәмнәренең берсе булган Яңа ел бәйрәмен бакчабызда үткәрдек. Кунакка инде әлбәттә бик күп кунаклар белән бергә Кыш бабай белән Кар кызы да килде. Балалар бүген бөтен белгән һөнәрләрен күрсәттеләр: биеделәр, җырладылар, табышмакларга җавап эзләделәр, матур сүз сөйләделәр. Кыш бабай балаларга үзенең алып килгән бүләкләрен биреп сөендерде.

14 декабрь конне,  балалар бакчасында тәрбияләнүче Хусаинов Рамин белән  Буа шәһәренең, АБВГДЕЙКа балалар бакчасында узган “Нәни эзләнүчеләрнең беренче адымнары ” дип аталган  фәнни- гамәли, зонаара  конференциядә катнаштык. Бу конференция узып баручы “Эколия елы”на багышланып, 2 турга бүленгән иде. Беренче турга без шул темага багышлап бик күп мәгьлумат туплап проект ясап җибәрдек. Икенче турга узып, конкурска чакыру алгач, агачлар турында презентация хәзерләдек, агачтан кул эшләре ясап бардык. Конференциядә тирә –як районнардан килгән  20 бала катнашты. Аларның һәрберсенең чыгышын жюри карап бәяләде. Рамин уз чыгышында: туган ягыбызда үскән агачлар, көнкүрештә агачтан ясалган әйберләр турында, урманга беренче сәяхәте, анда агчлар белән танышуы, аларның ел фасылларына карап ничек үзгәрүләре, агачларның ничә яшькә кадәр яшәүләре турында бик матур итеп сөйләде. Тема буенча балалар бакчасында өйрәнгән русча – татарча  җырлар җырлап, шигырьләр сөйләп күрсәтте. Раминның чыгышын барлык катнашучылар да, жюри да бик ошатты, югары бәяләде. Барлык катнашучылар арасыннан Беренче урынга лаек булдык. 

Апас "Кояшкай" балалар бакчасында "Туган җиребез табигатен саклыйбыз" дигән исем астында республикакүләм экологик фестиваль утте. Биредә КФУ укытучысы Резеда Шаехова, Кайбыч. Тәтеш, Кама Тамагы. Буа тәрбиячеләре катнашты. Без, экология өлкәсендә алып барылган эшләребезне күрсәткән кургәзмә -стенд белән катнаштык. Балаларда тәрбия, белем бирү белән беррәттән табигатебезгэ карата да ярату хисе, хөрмәт, сакчыл караш  тәрбияләү безнең бурыч булып тора. 

Бакчабызның бик матур урынына бүген кар бабай, кар кызы, эт, чыршы, куян сыннарын ясап куйдык. Алар безгә тиздән Яна ел җитәсен  хәбәр итеп торалар. Сыннар балаларга да бик ошады. 

Бүген без Балалар белән әниләр көненә багышлап, Әниләребезгә "Әнием - якты кояшым!" дип аталган эшчәнлек күрсәттек.  Әниләргә багышлап матур сүзләр сөйләдек, әниләр турында матур әңгәмә үткәрдек. Эшчәнлек ахырында әниләребез өчен матур чәчәкләр ясадык. Үз кулларыбыз белән ясалган бүләкләр әниләргә бик ошады 

Безнең бакчабызда район тәрбиячеләренең чиратты семинары булып узды. Ул "Балалар бакчасында экологик тәрбия" дигән темага багышланган иде. Бакча балалары экология темасы буенча эшчәнлек күрсәттеләр. Анда алар  "Татарстанның Кызыл китабы" белән таныштылар. Югалып баручы бик күп җәнлекләр, кошлар. балыклар, бөҗәкләр турында белделәр. Киңәшмә тәрбиячеләрнең чыгышлары белән дәвам итте. Узләрен борчыган куп кенә сорауларга да җаваплар алынды.

Бүген бакчабызда Әниләр белән көзге уңыш бәйрәмен үткәрдек. Балалар зур түземсезлек белән бәйрәм буласы көнне көттеләр. Чөнки алар өйдә көзге байлыктан кул эшләре ясап килергә тиеш иделәр. Әниләр дә, балалар да бик тырышканнар, барлысы да бик актив катнаштылар. Бакча коллективы күргәзмәгә зур бәя бирде. Рәхмәт белдерде. Бәйрәм балаларның җыр - биюләре, матур сүзләре белән дәвам итте.

Көзге табигать, нинди матур ул. Бөтен җир сары буяга буялган. Каеннар да сары шәл ябынганнар, куаклар да төрле төскә кергәннәр. Кырлар да бушап калган, бакчаларда уңышлар да күптән җыелган. Кошлар да җылы якларга киткәннәр. Без дә тирә -яктагы матурлыкка сокланып утырдык бүген.