Мәктәпнең укытучылар командасы мәгариф хезмәткәрләренең җәйге спартакиадасы муниципаль этабында катнашты. Спортның җәйге төрләре буенча ярышып алар уңышлы чыгыш ясадылар. Укытучыларга киләчәктә дә уңышлар телик!

Узган атнада мәктәп коллективы республикакүләм ярминкәдә катнашса, бүген исә Апаста оештырылган ярминкәдә көзге муллык-байлыкны тәкъдим итә, мәктәп бакчасында үстерелгән яшелчәләр белән районыбыз халкын шатландыра. Тәҗрибә участогы җитәкчесе Сиринә Салимулловна ярминкәне матур , бай итеп оештыруга зур өлеш кертте.

16 сентябрьда башлангыч сыйныф укучылары белән мәдәният дәресе үткәрелде. Библиотекарь Сиринә Ибрагимова  балалар белән республикабыз, туган ягыбызның  мәдәнияты һәм традицияләре турында әңгәмә үткәрде. Аларга мәдәни көндәлек тапшырылды.

8 нче сентябрьда мәктәптә ата-аналар җыелышы булып узды. Җыелышта  фельдшер Гөлинә Абдуллина катнашты.Ул грипп һәм ОРВИ га каршы профилактик чаралар турында сөйләде. Җыелышта шулай ук район башкарма комитеты вәкиле Айрат Хасанов ата-аналарны сайлауда актив катнашырга чакырды. Мәктәп директоры Илфат Вафин балаларны ашату мәсьәләсе һәм башка темаларга тукталды.

Белем бәйрәме мәктәбебездә оешкан төстә үтте. Быел 1 сыйныфка 3 укучы керде. Аларга тантаналы рәвештә белем ачкычы тапшырылды. Унышлар сезгә, укучылар!

Мәктәптә 6 нчы сентябрьдә балигъ булмаган балалар белән эшләүче инспектор Рания Михайлова белән очрашу булды. Ул укучыларга экстремизм, терроризм, 71 нче закон турында сөйләде.Балалар кызыксынып тыңладылар, сораулар бирделәр. Әңгәмә җанлы узды.

     Сегодня учащиеся 4 класса выполнили Всероссийскую проверочную работу по русскому языку  (I часть). Во время второго урока они написали диктант и выполнили задания. 

     В целях  объективного и организованного проведения ВПР были назначены организаторы и привлечены общественные наблюдатели.

28 нче апрельдә мәктәптә өмә үтте. Барлык укучылар да актив катнаштылар. Егетләр территорияне артык кленнардан чистартсалар, кызлар исә кишер чәчүдә эшлэделәр. Башлангыч сыйныф укучылары да бик күңелле эшләп алдылар, алар мәктәп тирәсен чүп-чардан арындырдылар.

9 нчы сыйныф укучысы Назмеев Раиль "Финансовая грамотность населения" конкурсына стенгазета ясап җибәрде һәм актив катнашуы өчен диплом белән бүләкләнде. Котлыйбыз!

26 апрель - бөек шагыйребез Габдулла Тукайның тууына 130 ел. Бу дата безнең мәктәптә дә билгеләп үтелде. 7 нче һәм башлангыч сыйныф укучылары шагыйрьнең тормыш юлы һәм иҗаты белән таныштырдылар, шигырьләрен сөйләделәр. Кичә "Туган тел" җыры белән тәмамланды.