6а,6б сыйныф укучылары белән бөек шагыйрь Г.Тукайның туган көненә багышланган викторина үткәрелде. Чараның максаты: балаларда халык иҗаты аша телләргә, халыклар мәдәниятенә мәхәббәт тәрбияләү: әкиятләр, мәкальләр, җырлар һ.б., татар шагыйре Габдулла Тукайның тормышы һәм иҗаты белән таныштыру, шагыйрь иҗатына карата мәхәббәт һәм горурлык хисләре тәрбияләүгә ярдәм итү. Чара башында балалар шагыйрьнең авыр балачагы, аның тормышы һәм иҗаты турында белделәр. Аның биографиясеннән күп яңалыклар ишеттеләр, замандашларыбызның татар халкының бөек улы турында истәлекләрен тыңладылар. Укучыларга китаплардан өзекләр укыдылар «Кәҗә һәм сарык турында әкият», «Шүрәле», «Тукай дөньясына сәяхәт»,”Су Анасы”. Шулай ук укучылар үзләре дә шагыйрьнең Ватан, Туган тел темаларына кагылышлы шигырьләрен укыдылар. Аннары укучылар белән викторина үткәрелде.